"Бухоро" - "Пахтакор". Учрашувга оид маълумотлар
30 mar 2016 16:17
News
![](https://championat.asia/upload/storage/203217_original.jpg)
![](/upload/storage/203217_220.jpg)
"Бухоро" - "Пахтакор". Учрашувга оид маълумотлар
Тайёргарлик
Терма жамоа ўйинлари билан боғлиқ танаффусдан сўнг олий лига ўйинлари давом эттирилади. Жамоамиз ушбу даврда Қибрайда машғулот ўтказди. Терма жамоа сафида бўлган 5 нафар футболчи бугундан жамоа ихтиёрига қайтишди. "Бухоро" эса Ўзбекистон Кубоги 1/16 финалида ўйнади. Сўнг жамоа Тошкент ва Бухорода машғулотлар ўтказди.
Қарама-қаршилик
Олий лигада жамоалар 46 бор тўқнаш келганлар. 33 баҳсда "Пахтакор", 6 беллашувда "Бухоро" зафар қучган. 7 ўйинда кучлар тенг келган. Рақиб дарвозасини 102 бор ишғол қилган жамоамиз 32 марта ўз дарвозасидан тўп олиб чиққан. Бухородаги учрашувларнинг 5тасида мезбонлар, 12тасида "Пахтакор" устун бўлган. 6 баҳсда дуранг натижа билан якунланган. Ўтган мавсум Бухорода Чипевнинг автоголи ва Сергеевнинг голи эвазига 2:0 ҳисобида жамоамиз устун келган.
Учрашув расмийлари
Ўйинни Шерзод Қосимов бошчилигидаги ҳакамлар гуруҳи бошқаради. Қосимов ҳозиргача олий лигада жамоамиз иштирокидаги 4 беллашувни бошқарган. Уларнинг 3тасида "шерлар" зафар қучган ва бир бор имкониятни бой берган. Мазкур жамоалар ўйинида Қосимов илк бор ҳакамлик қилади.
"БУХОРО" - "ПАХТАКОР"
Ҳакамлар: Шерзод Қосимов (Тошкент), Маъмур Саидқосимов (Тошкент), Андрей Цапенко (Тошкент вилояти), Даулетбой Жалимов (Нукус).
Назоратчи: Александр Попов (Тошкент).
ЎзПФЛ вакили: Бобур Ҳайдаров.
"Бухоро" - "Пахтакор" учрашуви 1 апрель, жума куни Бухородаги "Бухоро СМ" стадионида соат 18:45да бошланади.
Similar news
![AMP Logo](https://championat.asia/image/logo-amp.png)
Comments