"Бухоро" - "Локомотив". ПРЕВЬЮ

Ушбу жамоалар олий лига тарихида жами 22 маротаба ўзаро тўқнаш келишган. Устунлик пойтахтликлар томонида.

Ўтказилган 22 учрашувнинг 6 тасида “Бухоро”, 11 тасида “Локомотив” ғалаба қозонган бўлиб, 5 учрашувда дуранг натижа қайд этилган. Тўплар нисбатидаги устунлик ҳам “Локо” жамоаси томонида- 28:40.

Ўзаро учрашувларда “Бухоро” 23 очкони, “Локомотив” эса 38 очкони ўз ҳисобига ёзиб қўйган.

“Бухоро”нинг “Локомотив” устидан қозонган энг йирик ғалабаси 2007 ва 2009 йилги мавсумларда қайд этилган. Ўша учрашувларда “Бухоро” ҳар иккала учрашувларда 3:1 ҳисобида ғалаба қозонган эди. Қизиғи шу иккала ғалаба ҳам сафарда қўлга киритилган.

“Локомотив”нинг “Бухоро” устидан қозонган энг йирик ғалабаси 2013 йилда Тошкентда қайд этилган. Ўша учрашувда пойтахтликлар бухороликларни 5:1 ҳисобида мағлуб этишган.

Иккала жамоа ўртасидаги энг сермаҳсул учрашув эса 2005 йилда бўлиб ўтган. Бухорода кечган учрашувда дарвозаларга жами 7 та тўп киритилган бўлиб, якунда “Бухоро” 4:3 ҳисобида ғалабани тантана қилган.

БУ ҚИЗИҚ: “Бухоро” ўз майдонида “Локомотив”ни атиги 3 марта мағлуб эта олган. Ушбу ғалабалар 2005, 2007 ва 2016 йилги мавсумларда қўлга киритилган. Ўтган мавсумда “Бухоро” бўлажак чемпионни ўз майдонида 2:1 ҳисобида мағлубиятга учратган эди.  18736 нафар мухлис қаршисида бўлиб ўтган ўйинда Вадим Чемиртан ва Саламат Қутибоев голлари эвазига ғалаба қозонилган эди.

ФАКТ: “Бухоро” ва “Локомотив” ўртасида кечган учрашувларнинг 5 таси дуранг билан якунланган. Қизиқ томони, барча дуранглар Бухородаги учрашувларда қайд этилган.  

Бухорода бўлиб ўтган барча учрашувлар:
22.10.2016 “Бухоро”-“Локомотив” 2:1 
31.05.2015 “Бухоро”-“Локомотив” 2:3
07.11.2014 “Бухоро”-“Локомотив” 1:1
08.11.2013 “Бухоро”-“Локомотив” 0:1
19.05.2012 “Бухоро”-“Локомотив” 1:1
14.08.2009 “Бухоро”-“Локомотив” 2:3
01.03.2008 “Бухоро”-“Локомотив” 0:0
15.08.2007 “Бухоро”-“Локомотив” 1:0
24.08.2006 “Бухоро”-“Локомотив” 1:1 
27.08.2005 “Бухоро”-“Локомотив” 4:3
16.10.2004 “Бухоро”-“Локомотив” 1:1