"Бухоро" 6 йилдан бери "Навбаҳор"га гол ура олмаяпти. Наманганда кимнинг анъанаси бузилади?

Жамоалар ўртасидаги сўнгги учрашувларда устунлик "лочинлар" томонида бўлмоқда. - "Бухоро" Суперлигада кетма-кет 5 та ўйиндан буён "Навбаҳор"га гол ура олмаяпти. Жамоа охирги мартта 2019 йилги мавсумда рақиби дарвозасига тўп киритган (3:1). Бу голга Владимир Баенко муаллифлик қилган. 

Яна бир қизиқарли маълумот, "Бухоро" 9 йилдан буён "Навбаҳор" билан ўйинларда 3 очко ишлаётгани йўқ. Жамоа сўнгги бор 2016 йил наманганликлар устидан ғалабани тантана қилган (3:2). Ўша йили Тачмурод Агамуродов бошчилик қилган жамоа мазкур вазифани Наманганда ҳам уддасидан чиққан (2:1)

Суперлига-2016. 10-тур

"Бухоро" спорт мажмуаси

"Бухор" - "Навбаҳор" 3:2

Голлар: Азиз Ибагимов 21, Сардор Раҳмонов 70, Азиз Ибрагимов 90 - Игорь Голбан 79, Акрамжон Бахритдинов 90

"Бухоро": Муҳиддин Худоёров, Руслан Мелзитдинов, Артём Филипосян, Сардор Раҳмонов, Азиз Ибрагимов, Баҳодир Пардаев, Саламат Кутибаев, Александр Мерзляков, Алишер Санаев, Шавкат Саломов, Камолиддин Мурзоев

"Навбаҳор": Алибек Туробов, Обид Жўрабоев, Игорь Голбан, Тохир Шамситдинов, Дилшод Жабборов, Акрамжон Бахритдинов, Аъзам Алиев, Владислав Павленко, Сардор Азимов, Анвар Ражабов, Олександр Пишур

"Бухоро" бугун нохуш анъанага чек қўя оладими ёки мезбонлар муваффақиятли юришини давом эттирадими?