Бускетс "Барселона" сафидаги 700-учрашувини ўтказди
13 jan 2023 10:38
News

Бускетс "Барселона" сафидаги 700-учрашувини ўтказди

Фақат Месси ва Хавида ўйинлар сони уникидан кўпроқ.

"Барселона" ярим ҳимоячиси ва сардори Серхио Бускетс Испания Суперкубоги ярим финали доирасидаги "Реал Бетис"га қарши ўйинда захирадан майдонга тушди. Бу испанияликнинг "кўк-анорранглилар" либосидаги 700-ўйини бўлди.

2008 йилдан буён "Барселона" сафида тўп тепаётган 34 ёшли Бускетс бундай кўрсаткичга эришган каталонияликлар тарихидаги учинчи футболчига айланди.

"Кўк-анорранглилар"нинг амалдаги бош мураббийи Хави "Барселона" сафида 767 та ўйин ўтказган бўлса, Лионель Месси ҳисобида 778 та ўйин бор.

Бускетс 700 та ўйиннинг 465 тасини Испания чемпионатида, 129 тасини Чемпионлар Лигасида, 73 тасини Кубокда, 19 тасини Испания Суперкубогида, 6 тасини Европа Лигасида, 5 тасини клублар ўртасидаги ЖЧда, қолган 3 тасини эса Европа Суперкубогида ўтказган.

Link :

Source : Opta

Receive latest football news directly on your phone. Subscribe for our Telegram channel!

Rating: +3