“Бунёдкор”нинг Минскдаги машғулотлари бошланди, Фарруҳ Икромов машғулотларга қайтди
13 jul 2022 23:34
News

“Бунёдкор”нинг Минскдаги машғулотлари бошланди, Фарруҳ Икромов машғулотларга қайтди

Бугун эрта тонгда Беларус пойтахти Минск шаҳрига етиб келган “Бунёдкор” мавсумнинг иккинчи қисмига тайёргарликни бошлаб юборди.

Виктор Карпенко мураббийлигидаги жамоа тушдан сўнг Минск шаҳридаги илк машғулотини ўтказди. Беларус футбол федерациясига қарашли майдонда ўтказилган машғулотда футболчиларга оғир юкламалар берилмади. Ўйинчилар асосан тўп билан шуғулланишди.

Жамоа мухлисларини хурсанд қиладиган янгилик шуки, жиддий жароҳат сабаб деярли бир йилни майдондан ташқарида ўтказаётган Фаррух Икромов бугун умумий гуруҳда машғулотларни бошлади, аммо енгил жароҳати бор Суҳроб Иззатов якка тартибда югуриш билан чекланди.