"Бунёдкор"нинг 10 йиллик тадбирига "Селтик" келиши мумкин
28 sep 2015 15:14
News

"Бунёдкор"нинг 10 йиллик тадбирига "Селтик" келиши мумкин

Жорий йил Ўзбекистоннинг 5 карра чемпиони "Бунёдкор" клубини ташкил топганига 10 йил тўлди.

Шу муносабат билан клуб раҳбарлари "Бунёдкор"га бефарқ бўлмаган мухлисларнинг хурсанд қилиш мақсадида ўзига хос тадбир ўтказишни ният қилганлар.

Бизга маълум бўлишича, ноябрь ойига мўлжалланаётган юбилейда "Бунёдкор"нинг рақиби катта эҳтимол билан Шотландия гранди "Селтик" клуби бўлади. Айни пайтда иккала клуб ўртасида музокаралар давом этмоқда. Шотландия клубига маъқул тушадиган пул, кун ва бошқа деталлар ҳал қилинмоқда.

127 ёшга тўлган глазголиклар 46 карра мамлакат чемпиони, 36 маротаба кубок соҳиби бўлганлар. 1966/67 йилги мавсумда эса Европа чемпионлар кубогини (ЕЧЛ) бошлари узра кўтарганлар.

"Селтик" Европа лигасининг 2015/16 мавсумида "Мольде", "Аякс" ва "Фенербахче" клублари билан "А" гуруҳидан ўрин олган.