"Бунёдкор" рақиблари: “Фулад”да ғалаба, “Ал-Фатеҳ”да мағлубият

Эрон чемпионатида муваффақиятли иштирок этаётган Ахвазнинг “Фулад” клуби ўз майдонида “Сабойи Қум” жамоасини қабул қилиб, 2:0 ҳисобида ғалаба қозонди. Учрашувнинг 28-дақиқасида Бахтиёр Раҳмани ахвазликларни олдинга олиб чиққан бўлса, ўйинга ҳакам томонидан қўшиб берилган тўртинчи дақиқада Омид Халеди ҳисобни 2:0га етказди.

18-турдан сўнг “Фулад” ҳисобида 32 очко бор ва улар мусобақа жадвалининг 5-поғонасини банд этиб туришибди. Таъкидлаш жоизки, ахвазликлар пешқадам – “Пирузи”дан атиги бир очко кам жамғаришган.

Саудия Арабистони про-лигасининг 13-турида амалдаги чемпион – “Ал-Фатеҳ” Ар-Риёдда “Ал-Ҳилол” меҳмони бўлди ва 2:0 ҳисобида мағлубиятга учради. Ҳозирча “Ал-Фатеҳ”нинг очколари сони 14та ва улар 9-поғонада боришмоқда.