«Бунёдкор» Қарағанданинг «Шахтёр» клуби билан ўртоқлик учрашуви ўтказади

Бу ҳақда бугун Қарағанда клуби бош мураббийи Виктор Кумиков айтиб ўтди, деб хабар бермоқда sports.kz нашри.

— Ҳозир Ўзбекистоннинг «Бунёдкор» клуби билан ўртоқлик учрашуви борасида музокара ўтказаяпмиз. Учрашув 22 ноябрь куни бўлиб ўтиши кутилмоқда.

Эртага «Шахтёр» Қозоғистон кубоги финалида «Тараз»га қарши ўйнайди. 

Қозоғистонда мавсум тугади, «Шахтёр» эса декабрь ойига қадар Европа лигаси гуруҳ босқичида ўйинлар ўтказади.

28 ноябрь куни Кумиков шогирдлари ўз майдонларида ПАОКни қабул қилишса, 12 декабрь куни сафарда "Маккаби" билан куч синашишади.