"Бунёдкор" - "Персеполис" ўйинида чипта билан муаммо бўлмайди
27 feb 2015 14:57
News

"Бунёдкор" - "Персеполис" ўйинида чипта билан муаммо бўлмайди

Тошкентда бўлиб ўтган "Бунёдкор" - "Ал Жазира" ўйинида кўплаб мухлислар стадионга кира олмай ортга қайтишга мажбур бўлган эдилар.

Бугунги кунда "Бунёдкор" стадиони мухлислар учун футбол кўришга энг қизиқ ва қулай жой бўлиб улгурди. Шунинг учун бу стадионда бўлиб ўтадиган ўйинлар мухлисларда қизиқиш орттиряпти. Эроннинг номдор жамоасига қарши ўйинда ҳам "Ал Жазира" билан бўлгани ҳолат бўлмайдими?

Ушбу саволга ойдинлик киритиш мақсадида, стадион чиптачиларига мурожаат қилдик:

- Бу сафар муаммо бўлмайди. Стадионда жой қолмагунича чипта сотуви амалга оширилади. Режадаги чипта тугаса ва мухлислар келишда давом этса, кассанинг ўзидаёқ янги чипталарни харид қилишлари мумкин бўлади.

Айнан шу жавобни мухлисларга етказиб қўйишни бурчимиз деб билдик. Зеро, стадион мухлиси билан чиройлидир. "Ал Наср" ва "Ал Ҳилол" мухлислари 1-турда буни исботлаб бердилар.

Link :

Source : championat.asia

Receive latest football news directly on your phone. Subscribe for our Telegram channel!

Rating: