"Бунёдкор" - "Насаф" учрашуви меҳмони - Райхон

Ушбу ўйин 4 май (жума) куни “Бунёдкор” стадионида соат 18:00да бошланади.
Беллашувдан олдин ҳамда танаффус вақтида, ҳар доимгидек, мухлислар учун ўзбек эстрадаси юлдузлари ижросидаги концерт дастури тақдим этилади. Бу галги меҳмонларимиздан бири – гўзал ва латофатли Райхон Ғаниева.

Шу куни стадионга келган томошабинлардан икки нафари уйларига iPhone8 смартфони билан қайтишга муваффақ бўладилар. Ўзбекистон футбол ассоциацияси ҳамда Ўзбекистон Профессионал футбол лигаси томонидан таъсис этилган совғалар сифатида мухлислар учун лотереяда айнан шу 2та iPhone8 смартфони ўйналади.

Хотира ва қадрлаш куни байрами билан бутун халқимизни табриклаган ҳолда, “Бунёдкор” - “Насаф” учрашувига кириш ишқибозлар учун бепул қилиб белгиланди.

VIP секторига киришни ихтиёр этганлар чипталарни стадион кассаларидан сотиб олишлари мумкин.

Барча футбол ихлосмандларини 4 май куни “Бунёдкор” стадионига, Суперлиганинг юбилей - 10-тур баҳсига чорлаб қоламиз!

“Бунёдкор” МУХЛИСЛАР УЧУН ўйнайди!