«Бунёдкор» миннатдорчилик билдиради

“Бунёдкор” – “Ал-Шабаб” учрашуви арафасида турли хил оммавий ахборот воситалари орқали жамоамизга далда ва кўмак берганлар бўлди. Хусусан, “Бунёдкор”га омад тилаганлар қаторида “Нефтчи”, “Бухоро”, “Қўқон-1912”, “Оқ-тепа” ва бошқалар, шунингдек юртимизнинг деярли барча вилоятларида истиқомат қилувчи футбол мухлисларининг олға чорловчи тилакларига кўзимиз тушди.

“Бунёдкор” футбол клуби “Бунёдкор” – “Ал-Шабаб” учрашуви олдидан ва ўйин пайтида жамоамиз учун қайғурган, футболчиларимизни қўллаб-қувватлаган барча-барчага миннатдорчилик билдиради. “Бунёдкор”нинг ғалабаси –клубнинг ўз тарбияланувчиларига таяниш сиёсати тўғри йўлга қўйилганлигидан далолат бериб турибди.

Жамоамиз бундан кейин ҳам бор куч ва маҳоратини ишга солиб, мухлисларга чиройли, мазмунли ва ҳужумкор футбол намойиш этишга ҳаракат қилади.