"Бунёдкор" машғулотларни давом эттирмоқда. Таркибга "Оқ-тепа" дарвозабони қўшилди

Клуб академиясининг ёпиқ залида ўтказилаётган машғулотларнинг иккинчи кунида жамоа аъзолари жисмоний тайёргарликка урғу беришди. Бугунги машғулотларда 30 нафарга яқин ўйинчи иштирок этди. Ўринбосарлар таркибидан ташқари, бир нечта ёш футболчилар ҳам кўрикка жалб этилган. Футболчилар бугун жисмоний тайёргарлик бўйича мураббий Ирина Дергач қўл остида шуғулланишди. Умумий жисмоний тайёргарлик машқларидан сўнг ўйинчилар икки таркибга ажратилди. Биринчи таркиб тренажёр зали да шуғулланган вақтда иккинчи таркиб иккига бўлинган ҳолда мини-футбол ўйнади. Тренажёр залдаги машғулотлар якунлангач таркиблар ўзаро жой алмашишди. Шу тариқа қувноқ кайфиятда ўтган иккинчи кун машғулотлари якунланди.

Машғулотларда қатнашган футболчилар - Сарвар Каримов, Равшан Ягудин, Акобир Қаюмов, Лутфулла Тўраев, Шаҳбоз Эркинов, Хуршид Ғиёсов, Нурилло Тўхтасинов, Абдулла Абдуллаев, Миржаҳон Мираҳмадов, Фаррух Икромов, Расул Йўлдошев, Иброҳим Ибрагимов, Суҳроб Иззатов, Суннатилла Абдуллажонов, Абдулазиз Абдусаломов, Валерий Акопов, Муҳаммадодил Қаҳрамонов, Бобурбек Фарҳодов, Хуршид Убайдуллаев, Музаффар Олимжонов, Санжар Қодирқулов, Жавоҳир Омонов, Саидмаҳмудхон Ғуломов.