“Бунёдкор” – “Лаҳвия”. Видеопревью

Бугунги баҳс “Бунёдкор” ва “Лаҳвия” жамоаларининг ўзаро ҳисобдаги тўртинчи қарама-қаршилиги бўлади. Бунгача ўтказилган иккита учрашувда қатарликлар бир хил хисобларда (0:1) зафар қучишган.

“Бунёдкор” Қатар клублари билан бунгача тўртта ўйин ўтказиб, битта ғалаба ва учта мағлубият қайд этган. Тўплар фарқи – 3:5. “Лаҳвия” ҳам Ўзбекистон клублари билан бунгача тўртта учрашув ўтказган. Уларда учта ғалаба ва битта дуранг бор. “Лаҳвия” ҳозирча мамлакатимиз клубларидан мағлубиятга учрамаган. Тўплар фарқи – 7:3.

“Лаҳвия”нинг испаниялик ҳимоячиси Чико Флорес сариқ карточкалари сони иккитага етганлиги боис Тошкентдаги баҳсда майдонга туша олмайди.

Бугунги “Бунёдкор” – “Лаҳвия” баҳсини Кришанта Дилан Перера бошчилигидаги шри-ланкалик ҳакамлар гуруҳи бошқариб боради.

Эслатиб ўтамиз, Осиё Чемпионлар лигаси-2016 гуруҳ босқичи 5-тури доирасидаги “Бунёдкор” – “Лаҳвия” учрашуви 20 апрель куни “Бунёдкор” стадионида соат 19:00да бошланади.