“Бунёдкор” кубоги-2014” расмий равишда очилди

Ташкилотчилар ушбу турнир ёш футболчиларда катта таассуротлар қолдириши учун ўзига хос дастур тайёрладилар. Дастлаб давра марказига ЎзПФЛ директори Фарҳод Магометов, ЎФФ футболни ривожлантириш жамғармаси директори Фурқат Шарипов, “Бунёдкор” ФК Биринчи вице-президенти – Бош директор Бахтиёр Бобоев, “Бунёдкор” стадиони директори Вахид Закиров, “Бунёдкор” жамоаси асосий таркиб аъзолари ва бошқа фахрий меҳмонлар таклиф этилдилар. Сўнгра барча иштирокчи жамоалар саф тортишди. Клуб рахбари, мусобақа ташкилий қўмитаси раиси Бахтиёр Бобоев барчани “Соғлом бола” йили, “Наврўз” айёми билан самимий қутлади ва “Бунёдкор” кубоги-2014” турнирини очиқ деб эълон қилди. Давлатимиз мадҳияси янгради ва барча иштирокчилар қўлларини кўксиларига қўйган ҳолда нигоҳларини стадион узра хилпираётган мамлакатимиз байроғига қаратишди.

Сўз навбати “Бунёдкор” жамоаси сардори Хайрулла Каримовга берилди. У мусобақа иштирокчиларига самимий тилакларини билдирди. Сўнгра “Бунёдкор” жамоаси аъзолари ёш футболчиларга совғалар топширишди ва эсдалик учун улар билан бирга суратга тушишди
(фотожамланма)

Видеолавҳа алоҳида тақдим этилади.