“Бунёдкор” кичкинтойлар фестивалида ҳам фаол

Шунингдек, улар натижа талаб этиладиган мусобақаларда иштирок этишмайди. Фақат турли фестиваллар ва тенгдошлари билан ўртоқлик ўйинлари орқали кичкинтойлар ўз маҳоратларини ошириб боришади.

Яқинда “Бунёдкор” БЎФМ нинг 8 ёшли кичкинтойлари кетма-кет 2 фестивалда иштирок этишди. Дастлаб машҳур футболчи ва мутахассис Акмал Азизхўжаев хотирасига бағишланган турнирда Абдумалик Рахимов шогирдлари ўз тенгдошлари билан қуйидаги натижаларни қайд этишди: “Пахтакор” – 3:0, БЎСМ-30 – 2:0, “Спартак”-2 – 7:0, “Спартак-1” – 0:2.

Сўнгра, оммавий футбол кунига бағишланган турнирда ҳам айнан шу кичкинтойлар қатнашишди. Фестивалнинг қизиқ томони, унда натижа муҳим бўлмаганлиги сабабли қизлар жамоалари ҳам иштирок этишди. Кичкинтой “қалдирғочлар” натижалари: “Пахтакор” – 4:0, БЎСМ-30 (қизлар) – 2:0, “Насаф” – 5:0, “Спартак” – 0:1.

Юқорида таъкидлаганимиздек, бу фестивалларда натижа бирламчи бўлмаган. Ёш футболчилар илк маротаба жамоавий ўйин нималигини ҳис қилишди. Улар берилиб ўйнашди ва ота-оналари олдида ўзларини ҳар томонлама кўрсатишга интилишди. Киритилган ҳар бир гол уларга завқ-шодлик бағишлаган бўлса, мағлубиятдан сўнг кўз ёшлар ҳам бўлди. Лекин бу уларнинг футболчилик фаолиятидаги илк қадам. Ҳозирча улар миллионлар ўйинидан фақат завқ олишсин, тобланишсин. Акаларидан ўрнак олишсин. Улар майдонда ўз сўзларини айтадиган пайт, клуб шаъни учун тўп суриш вақти ҳали келади...