"Бунёдкор" жамоаси ҳам жиддий ўзгариш арафасида

"Бунёдкор" жамоасининг 2017 йилдаги қониқарсиз натижаларидан сўнг клубда янгиланиш даври бошланиши мумкин. Тасдиқланмаган маълумотларга кўра, Мурод Алиев клуб структурасида иш бошлаши мумкин.

Бу янгилик тез кунларда расман эълон қилиниши мумкин. Муроб Боқиевич айнан қайси лавозимда фаолият олиб бориши борасида аниқ ахборот мавжуд эмас.

Шу билан бирга Сергей Лушаннинг ҳам "Бунёдкор" бош мураббий сифатидаги сўнгги ўйинлари ўтказаётганлигини таъкидлаб ўтиш мумкин. Жамоа ҳомийлари ОЧЛнинг 5-тур учрашувида қониқарсиз натижа қайд этилса мураббийлар штабида ўзгариш бўлиши мумкинлиги ҳақида огоҳлантирганлар.

Агар Мурод Алиев клубда фаолият бошласа, Миржалол Қосимовни ҳам тез кунларда "қалдирғочлар" сафида кўришимиз мумкин. Миржалол Қосимовни ўзи айни пайтда Ўзбекистонда эмас.

Иккинчи даврадан ўзбек футболида, яна 2008 йиллардаги "Пахтакор" - "Бунёдкор" кескин қарама - қаршилигини кузатишимиз мумкин бўлади.