«Бунёдкор» ФК Мираброр Усмоновни табриклайди!

Ҳурматли Мираброр Зуфарович!

Тошкентнинг “Бунёдкор” футбол клуби Сизни таваллуд айёмингиз билан самимий табриклайди.

Бевосита Сизнинг бошчилигингизда Ўзбекистон футболини ривожлантириш борасида кўплаб ижобий ишлар амалга оширилмоқда. Уларнинг самараси сифатида дунёнинг турли мамлакатларида Ўзбекистон ёшлар ва ўсмирлар терма жамоалари қўлга киритаётган ютуқлар тан олинмоқда.

Ўзбек футболи инфратузилмасини замон талаблари даражасига олиб чиқиш борасида амалга оширилаётган ишларнинг бевосита гувоҳи бўлиб турибмиз. Бунга мисол сифатида янги барпо этилган ва нафақат профессионал футболчилар, балки ёш ва иқтидорли авлодни тарбиялаш борасида барча шароитларга эга бўлган “Бунёдкор” спорт мажмуасини келтириш мумкин. Замонавий комплекс яратилишида Сизнинг беқиёс хизматингиз борлигини яхши биламиз.

Бразилиянинг Сан-Пауло шаҳрида ўтган Халқаро Футбол Уюшмаси Конгрессида қатнашганингиз, ФИФАнинг “Хизматлари учун” ордени билан мукофотланганингиз ўзбекистонлик барча футбол жамоатчилиги қатори бизни ҳам мамнун этди.

Сизга сиҳат-саломатлик, узоқ умр ва олиб бораётган ишларингизда янги ёрқин муваффақиятлар ёр бўлишини тилаймиз.