“Бунёдкор” ФК Жавоҳир Эсонқуловга соғлик тилайди
15 aug 2017 14:43
News

“Бунёдкор” ФК Жавоҳир Эсонқуловга соғлик тилайди

Тошкентнинг “Бунёдкор” жамоаси ҳужумчи Жавоҳир Эсонқуловни ёлғизлатиб қўймоқчи эмас.

Гап шундаки, олий лига 16-тури доирасидаги “Динамо” – “Металлург” учрашувининг 12-дақиқасида Жавоҳир Эсонқулов рақиб посбони билан тўқнашиб кетиб, кутилмаган жиддий жароҳатга йўлиқди.

Куни кеча ҳужумчи шифокорлар кўригида бўлиб, оёғини операция қилдирди.

“Бунёдкор” ФК рахбарияти, мураббийлари, футболчилари ва барча ишчи ходимлари жамоамиз тарбияланувчиси Жавоҳир Эсонқулов жароҳатидан фориғ бўлиб, яшил майдонга тезроқ қайтишини тилайди.