"Бунёдкор": Анвар Ғофуров рекордни такрорлади
02 oct 2014 15:21
News

"Бунёдкор": Анвар Ғофуров рекордни такрорлади

Тошкентнинг “Бунёдкор” жамоаси кеча Бекободда “Металлург” билан куч синашди.

Ушбу учрашувда “Бунёдкор” сафида тўп тепган Анвар Ғофуров клуб тарихида энг кўп учрашув ўтказган футболчилар рекордини такрорлади. Гап шундаки, бунгача Виктор Карпенко “Бунёдкор” сафида турли хил расмий мусобақалар доирасидаги 203та учрашувда иштирок этиб, бу борада рекордчи бўлиб турган эди. “Металлург”га қарши кечаги учрашув Анвар Ғофуровнинг “қалдирғочлар” сафидаги 203-ўйини бўлди. Демакки, Ғофуров кейинги турларда клубнинг мутлақ рекордчи бўлиб олишга жуда яқин турибди.

Қайд этиш керакки, Анвар Ғофуров “Бунёдкор” сафида Осиё Чемпионлар лигаси доирасида 40та, Ўзбекистон кубоги учрашувларида 27та ва олий лига баҳсларида 136та ўйинда иштирок этган.

Link :

Source : fcbunyodkor.com

Receive latest football news directly on your phone. Subscribe for our Telegram channel!

Rating: