“Бунёдкор-99” тақдирланди. ФОТО+ВИДЕО

Хусусан, “Бунёдкор” футбол мактабининг 1999 йилда таваллуд топган футболчилардан иборат жамоаси учун омадли бўлди. Тошкент шаҳар болалар-ўсмирлар ўртасидаги футбол биринчилигининг U-16 ёш тоифасида “Бунёдкор-99” биринчи ўринни эгаллади. Фарғона шаҳрида ўтказилган футбол клублари тайёрлов гуруҳларининг Республика турнирида ҳам ғолиблик қўлга киритилди.

Янги йил байрами арафасида “Бунёдкор-99” жамоасини тақдирлаш маросими бўлиб ўтди. Дилмурод Абдуллаев устозлигидаги тарбияланувчиларимизни эришилган муваффақиятлар билан тақдирлаш учун “Бунёдкор” футбол мактаби директори Сергей Лушчан ва академиямиз маслаҳатчиси Рустам Акрамов ташриф буюрди.

- Ортда қолаётган мавсум Сизлар учун омадли ўтди. Эришилган ютуқлар бутун жамоаники. Мураббийингизни алоҳида эътироф этиб, унинг ҳиссаси беқиёс эканлигини айтиб ўтмоқчиман. Бир нарсани ёдда тутинглар, ҳали олдинда жуда кўп мусобақалар бор. Сизларни катта футбол кутмоқда. Ҳеч қачон машғулот ўтказишдан эринманг, ўсишдан тўхтаманг. Ана ўшанда, профессионал футболда барқарор фаолият юритасизлар, - деди “Бунёдкор” футбол мактаби директори Сергей Лушчан.

(TAS-IX эмас)

(TAS-IX)