"Бунёдкор-2003" Россиядаги хотира мусобақасида иштирок этади
25 mar 2014 08:53
News

"Бунёдкор-2003" Россиядаги хотира мусобақасида иштирок этади

24 мартдан 8 апрелга қадар Россиянинг Дагомис шаҳрида марҳум Валентин Бубукин хотирасига бағишланган ҳисоб бўйича 6-мусобақа бўлиб ўтади.

Ушбу мемориал 2009 йилда старт олган ва ҳозирга келиб болалар ўртасидаги энг йирик мусобақалардан бирга айланди. Унда 160дан ортиқ жамоалар иштирок этишади.

Тошкентнинг "Бунёдкор" футбол академиясининг 2003 йилда таваллуд топган футболчилардан иборат жамоа 23 март куни Тошкент-Сочи йўналиши бўйича парвоз қилиб 24 март куни тонгда Сочига етиб борди. Мусобақа ташкилотчилари томонидан ажратилган автобусда ёш футболчилар Дагомис шаҳрига етиб боришди. Кеча "Бунёдкор" вакиллари дастлабки машғулотларни ҳам ўтказишга улгуришди.

Бу мусобақада юртимиз шарафини ҳимоя қилаётган "Бунёдкор"га омад тилаб қоламиз.

Link :

Source : championat.asia

Receive latest football news directly on your phone. Subscribe for our Telegram channel!

Rating: