Бундеслигада ўйнаган осиёлик: Макото Хасебе

Шу муносабат билан ушбу чемпионатда ўйнаб ўзини кўрсатган осиёлик футболчиларни ёдга оламиз. Қуйида япониялик футболчи Макото Хасебе ҳақида қисқача сўз юритамиз. 

Япония терма жамоаси аъзоси 2008 йилдан бери фаолиятини Бундеслигада давом эттириб келмоқда. У бунгача "Вольфсбург" ва "Нюрнберг"да тўп тепган. Ҳозир эса "Айнтрахт" клуби аъзоси ҳисобланади. Хасебе Германия чемпионатида 304 ўйинда майдонга тушиб, 7та гол урган.

У 2008/09 йилги мавсумда "Вольфсбург" билан Германия чемпиони бўлган, 2017/18 йилги мавсумда эса Германия Кубогини қўлга киритган. Шунингдек, 2018 йил Осиёнинг хорижда фаолият юритаётган энг яхши футболчиси деб топилган. Макото 36 ёшда ҳам жавлон уриб тўп тепмоқда.