Бундеслига: Пешқадам "Боруссия", иккинчи ўринда ҳам "Боруссия" — тур тафсилотлари

Турнинг дастлабки ўйини Лука Йович бенефисига айланиб кетди. Сербиялик футболчининг пента-трики ва Себастьян Халлернинг дублига "Фортуна Дюссельдорф" биргина тўп билан жавоб қайтарди. Натижада "Айнтрахт" ўта йирик ҳисобда ғалаба нашидасини сурди.

Мазкур турда ниҳоят инқироз кўчасига кириб қолган "Бавария" ғалабасиз сериясига барҳам берди. "Вольфсбург" меҳмони бўлган Нико Ковач жамоаси ишончли тарзда ғалабани тантана қилди. Левандовскининг дубли ва Хамес Родригезнинг голига мезбонлар биргина тўп билан жавоб қайтаришди.

Чемпионат пешқадами Дортмунднинг "Боруссия" жамоасини тўхтатиб бўлмаяпти. "Штутгарт" меҳмони бўлган Люсьен Фавр бошқарувидаги "Боруссия" мезбонларнинг жавобсиз тўртта гол билан сийлади. Тўпурарлик қобилиятини намоён этаётган испаниялик ҳужумчи Пако Алькасер эса яна бир бор рақиблар дарвозасини ишғол этди.

"Шальке" эса ўз уйида мавсумни кўтаринки руҳда ўтказаётган "Вердер"ни қабул қилди ва рақиб олдида чорасиз қолди.

Голларга бой ўтган Леверкузендаги баҳсда "Ганновер" "Байер" билан дуранг қайд этди - 2:2.

Мёнхенгладбахнинг "Боруссия" жамоаси эса ўз уйида "Майнц"ни меҳмон қилди ва йирик ҳисобда ғалаба қозонди. Натижада Мёнхенгладбахнинг "Боруссия" жамоаси турнир жадвалида иккинчи поғонага кўтарилиб олди.

Тур қаҳрамонлари - Йович, Санчо ва Левандовски

Тур ўйинлари

Турнир жадвали

Тўпурарлар

Ассистентлар