Бундеслига, 27-тур. "Бавария" бугун чемпионликни расмийлаштириши мумкин

 Ушбу турда Бундеслига ғолиблигини "Бавария" жамоаси муддатидан олдин расмийлаштириши мумкин. Хосеп Гвардиола шогирдлари ушбу турда "Герта" меҳмони бўлишади. "Голливуд" номи билан аталиб келинадиган "Бавария" март ойидаёқ ўзининг 24 чемпионлигини расмийлаштиришга жуда яқин турибди. Бунинг учун улар Берлинда "Герта"дан очко олишлари кифоя қилади. Бундан тўрт йил аввал ҳам "Бавария" жамоаси айнан Берлинда "Герта" билан бўлган ўйинда чемпионликни расмийлаштиришган эди. Бу сафар яна ушбу нарсани такроран амалга оширишлари мумкин.

"Бавария"нинг барча чемпионлик расмлари билан қўйида танишишингиз мумкин.

Шунингдек, бугун яна турнинг марказий ўйини "Боруссия Д" - "Шальке" баҳси бўлиб ўтади. Бу жамоалар ўртасидаги учрашув ҳақиқий футбол-шоусини тақдим этиб бериши аниқ. Бу икки клуб ҳозирда турнир жадвалида ёнма-ён кетмоқда. Айнан шу икки клуб чемпионатдаги кумуш медаллари учун курашишмоқда. Юрген Клопп жамоаси мавсумни иккинчи бўлиб тугатишни истаса, бугун "Шальке" қаршилигини енгишлари шарт.

Келлер бошқарувидаги "Шальке" клуби эса ушбу мавсумда бундеслига ўйинларида барқарор ўйин кўрсатишмоқда. Бу жамоа айниқса иккинчи даврани  жудаям қўтаринки руҳда  ўтказмоқда. Учрашув қизиқарли ўтишига яна бир сабаб бу жамоалар қарама-қаршилиги "дерби" мақомига ҳам эга. Принципиал ўйин ҳисобланади. Бир сўз билан айтганда, азалий рақиблар тўқнашуви. Бу баҳсда ҳеч бир жамоани фаворит ёки аутсайдер деб бўлмайди. Ҳаммаси майдонда ҳал бўлади. Дортмундаги ўйин ҳеч бир футбол ишқибозларини зериктириб қўймайди деб бемалол айтса бўлади. 

Бундеслигада гарчи чемпион номи аниқ бўлсада, лекин ўйинлар сифати ва шиддати бўйича ҳозирда ҳар қандай чемпионатдан кучлироқ ва томошабоп ҳисобланади.
Иккинчи ўрин учун асосан "Шальке" ва "Боруссия Д" жамоалари кураш олиб боришмоқда. ЕЧЛга йўлланма берадиган ўринлар учун кураш жуда қизғин тарзда кечмоқда. "Майнц", "Боруссия М", "Вольфсбург", "Аугсбург" ва "Байер" жамоалари келаси мавсумда ЕЧЛ йўлланма беридиган ўринлар учун чемпионат якунига қадар беллашув олиб боришади. Бундеслигани кузатиб боринг, асло зерикиб қолмайсиз!


Бундеслига, 27-тур ўйинлари:

Бугун
"Айнтрахт Б" - "Майнц" (00:00)
"Боруссия Д" - "Шальке" (00:00)
"Герта" - "Бавария" (00:00)
"Вердер" - "Вольфсбург" (00:00)

26.03.2014.
"Аугсбург" - "Байер" (00:00)
"Айнтрахт Ф" - "Боруссия М" (00:00)
"Гамбург" - "Фрайбург" (00:00)
"Хоффенхайм" - "Ганновер" (00:00)
"Нюрнберг" - "Штутгарт" (00:00)

Шаҳбоз Беғамов