Бугунги баҳс БАА учун қандай аҳамиятга эга?

Соат 17:00да бошланадиган учрашувини барчамиз интиқлик билан кутяпмиз. Бугун шунингдек, гуруҳдаги иккинчи ўйин амирликларда ўтказилади ва унда БАА Вьетнамни қабул қилади.

Маълумки, БАА термаси ўтган турда Гонконгни йирик 4:0 ҳисобида мағлубиятга учратиб, қитъа биринчилиги йўлланмасини муддатидан олдин нақд қилди. Шундай экан, бугунги ўйин улар учун қандай аҳамиятга эга? Бу ҳақда терма жамоа бош мураббийи Маҳди Али ўз фикрларини билдириб ўтди:

“Вазифа бажарилган бўлса-да, биз ўйин ёки рақиб ажратмаймиз. Осиёда кучлилар қаторига кириш учун тинмай ҳаракат қиляпмиз ва ўсишда давом этишимиз керак. Мақсадимиз – гуруҳдаги барча учрашувларни ғалаба билан якунлаш. Агар бунинг уддасидан чиқсак, жуда хурсанд бўламиз. Вьетнам ҳамма ўйинларда имкониятни бой берган бўлса-да, уларни ҳурмат қиламиз. Рақиб саралашда дастлабки очкосини олиш учун бор кучи билан қаршилик кўрсатса керак”.

Х.Холиқов тайёрлади.