Бугун ва эртага 145 йиллик мусобақада ярим финал ўйинлари бўлиб ўтади

1871 йилдан буён ўтказиб келинаётган ушбу кубокда бу мавсумда 736та клуб иштирок этди.

Ҳозирга келиб уларнинг 4таси соврин учун курашни давом эттирмоқда.

Мусобақа регламентига кўра ярим финал ва финал Лондондаги "Уэмбли" стадионида бўлиб ўтади. Бугун дастлабки ярим финалда "Эвертон" ва "Манчестер Юнайтед" клублари тўқнаш келишади. Баҳсни Энтони Тэйлор бошчилигидаги ҳакамлар бошқариб боришади.

МЮ ушбу кубокни 11 бор қўлга киритган. Сўнгги марта Манчестер клуби 2004 йил Англия кубогини ютган. "Эвертон" 5 марта кубокда зафар қучган. Охирги марта 1995 йилда ушбу соврин "Эвертон" музейига борган эди.

Эртага эса "Кристал Пэлас" ва "Уотфорд" ўртасидаги баҳс бўлиб ўтади. Бу ўйинда Крейг Паусон ҳакамлик қилади.

"Кристал Пэлас" бир марта 1990 йилда Англия кубоги финалига чиқиб МЮга ютқазиб қўйганди. "Уотфорд" ҳам бу кубок финалига бир бор чиққан. 1984 йилда ҳал қилувчи баҳсда жамоа "Эвертон"га имкониятни бой бериб қўйган.

Бу йилги Англия кубоги финали 21 май куни бўлиб ўтади.

Англия кубоги. Ярим финал

23 апрель - "Эвертон" - "Манчестер Юнайтед" (21:15)

24 апрель - "Кристал Пэлас" - "Уотфорд" (20:00)