Бугун Россия Суперкубоги учун баҳс бўлади. Жалолиддинов майдонга тушиши мумкин

Унда мамлакат чемпиони ва Кубоги соҳиби Санкт-Петербургнинг "Зенит" клуби Россия вице-чемпиони Москванинг "Локомотив" клуби билан тўқнаш келади.

Мазкур баҳс Москвадаги "ВЭБ-Арена" стадионида бўлиб ўтади ва Тошкент вақти билан соат 21:00да бошланади.

"Зенит" ҳам, "Локомотив" ҳам бунга қадар 7 мартадан Суперкубок баҳсида майдонга тушишган. Питерликлар 4та учрашувда ғолиб бўлишган. "Темирйўлчилар" эса 3 бор Суперкубокни қўлга киритишган.

Ушбу клублар Суперкубокда икки бор тўқнаш келишган. 2015 йилги ўзаро баҳсда "Зенит" пенальтилар сериясида ғолиб бўлган - 1:1 (4:2 пен). 2019 йилги учрашувда эса "Локомотив"нинг қўли баланд келган - 3:2.

Яқинда "Локомотив" билан шартнома тузган ўзбекистонлик ярим ҳимоячи Жасур Жалолиддиновнинг бугун майдонга тушишини кутамиз.


Россия Суперкубоги-2020
"ЗЕНИТ" - "ЛОКОМОТИВ"
7 август. Москва. "ВЭБ-Арена" стадиони. 21:00 (Тошкент вақти).
Бош ҳакам - Михаил Вилков (Нижний Новгород).