Бугун Ўзбекистон футзал терма жамоаси ўйини ҳеч қаерда кўрсатилмайди

Бу Осиё Кубоги саралаши олдидан сўнгги йиғин бўлади.

ВИДЕО  Ўзбекистон футзал МТЖ машғулоти + Аҳмедов, Усмонов ва Эшонқулов билан интервью

Бугун вакилларимиз ана шу йиғин доирасида Қирғиз Республикаси терма жамоасига қарши ўртоқлик ўйини ўтказади. Учрашув Тошкентдаги "Юнусобод" спорт мажмуасида бўлиб ўтади ва 13:00да бошланади.

Ушбу беллашув ҳеч бир телеканал ёки платформада жонли трансляция қилинмайди. Меҳмонлар мураббийлари ўйинни трансляция қилмасликни сўрашган. Лекин, аренага мухлислар кириши мумкин. ОАВ ходимлари уни ёритиши ҳам мумкин, фақатгина ўйин тўлиқ кўрсатилмайди.

Эслатиб ўтамиз, Осиё Кубоги саралаш босқичи учрашувлари 10-12 апрель кунлари Қирғиз Республикасининг Бишкек шаҳрида бўлиб ўтади.

Ўзбекистон терма жамоаси Марказий ва Жанубий минтақанинг "B" гуруҳида Непал, Тожикистон ва Афғонистон билан кураш олиб боради. Қирғиз Республикаси эса шу минтақанинг "A" гуруҳида Эрон, Туркманистон ҳамда Мальдивга рақиблик қилади.