"Бугун Ўзбекистон чемпионатида қизиқарли кун". Боян Миладинович Самарқанд ва Фарғонадаги ўйинлар олдидан нималар деди?

Самарқандда "Динамо" – "Пахтакор", Фарғонада "Нефтчи" – "Насаф" учрашувлари олдидан сербиялик собиқ футболчи, ўзбекистонлик мухлисларга таниш бўлган Боян Миладинович фикрларини билдирди. 

"Динамо" бу йил ўзининг энг яхши мавсумини ўтказмоқда, лекин бугун "Пахтакор" ютса керак деб ўйлайман. Агар "шерлар" 3 очко қўлга кирита олмаса, чемпионлик учун имкониятларни буткул йўқотади. Ғалаба бу йўлдаги курашни сақлаб қолишига туртки бўлади. 

"Нефтчи" – "Насаф" ўйини қизиқарли бўлади. Фарғоналиклар ўтган ўйинда сўнгги дақиқаларда ғалабага эришди. "Насаф" дуранг ўйнади. Буни қарангки, "Нефтчи" ҳам чемпионлик учун рақибини қувиб келмоқда. Улар ғалаба қозонган тақдирдагина интрига сақланиб қолиши мумкин. Акс ҳолда "Насаф"нинг ютуғи чемпионликка ташланган катта қадам бўлади. Фикримча, бу жамоалар охирги турга қадар олтин медаллар учун курашишади. Ўзбекистон чемпионатида бугун жуда қизиқарли кун бўлишини кутяпман", – дейди Боян Миладинович.

Эслатиб ўтамиз, "Нефтчи" – "Насаф" беллашуви 19:00 да, "Динамо" – "Пахтакор" қарама-қаршилиги эса 20:00 да бошланади.