Бугун ОФК кубоги финали

ФИФА Қувайт мамлакатини дисквалификация қилганидан сўнг ОФК кубоги ярим финалларидаги икки Қувайт клуби "Ал Қодисия" ва "Қувайт СК"га техник мағлубият ёзилди. Шу тариқа Тожикистоннинг "Истиқлол" ҳамда Малайзиянинг "Жоҳор Дарул Таъзим" клублари мусобақа финалига йўл олишди.

Ҳал қилувчи баҳс бугун, 31 октябрь куни Тожикистон пойтахти Душанбе шаҳридаги "Марказий" стадионда бўлиб ўтади. Учрашув Тошкент вақти билан соат 17:00да бошланади.

Учрашувни япониялик Тожо Минору бошчилигидаги япониялик ҳакамлар бригадаси бошқариб боради.

ОФК кубоги финал ўйинини "beIN SPORTS 8 HD" ва "Alkass Five HD" каналлари жонли эфирда намойиш этади.