Бугун Мочинов шогирдларининг ўйини бор
20 aug 2014 15:17
News

Бугун Мочинов шогирдларининг ўйини бор

Ўсмирлар ўртасидаги Осиё чемпионатига тайёргарлик кўраётган Ўзбекистон (U-16) терма жамоаси бугун Тошкентда охирги ўртоқлик учрашувини ўтказади.

Александр Мочинов бошқараётган жамоанинг бугунги рақиби “Бунёдкор” ўринбосарлари бўлади. Учрашув 17:00да “Бунёдкор” стадионининг қўшимча майдонида бошланади. Мочинов шогирдлари 17 август куни Қибрайда “Пахтакор” ёшларига қарши майдонга тушиб, 2:4 ҳисобида мағлуб бўлишди.

Эслатиб ўтамиз, Ўзбекистон ўсмирлар терма жамоаси 24 август куни Малайзияга жўнаб кетишади ва у ерда мезбонларга қарши иккита назорат баҳси ўтказишади. Шундан сўнг ўсмирларимиз Малайзиядан тўғри Таиландга йўл олишади. Чунки бу мамлакатда 6 сентябрдан бошлаб навбатдаги Осиё чемпионати старт олади. Ўсмирларимиз “C” гуруҳида Непал, КХДР ва Қувайтга қарши майдонга тушишади.

Link :

Source : championat.asia

Receive latest football news directly on your phone. Subscribe for our Telegram channel!

Rating: