Latest news

14:30"Реал" футболчисини Ла Лига клубига сотади  0 14:06"Марадона билан бир неча маротаба тўқнаш келганман. Даражаси сезилиб турарди". Сречко Катанец билан суҳбатнинг сўнгги ва энг қизиқарли қисми!  1 13:37Диёр Имомхўжаев: "Фақат хато қилган ҳакам эмас, клуб ҳам жазоланиши керак"  2 13:09"Манчестер Сити" Англия терма жамоаси аъзоси билан шахсий шартнома борасида келишиб олди  1 12:46Италия, Германия, Россия ва Осиё қитъаси вакиллари "Динамо" футболчисига қизиқмоқда. Музокаралар давом этмоқда  9 12:25Диёр Имомхўжаев: "ПФЛдаги биринчи иш кунимданоқ "кичик уруш" бошланган"  3 11:50Расман: Муҳаммад Қудус – "Тоттенхэм" футболчиси  0 11:30"Қўқон-1912"нинг икки футболчиси жамоадан кетди  7 11:02Адвокат Кюрасао терма жамоасини камида 2025 йил охиригача бошқаришда давом этади  5 10:30Марк Андре тер-Штеген келажаги борасида бир қарорга келди  13 09:52“Арсенал“ “Челси“ футболчисини 60 миллион еврога сотиб олади (Романо)  4 09:23Россиялик ҳужумчи иккинчи даврани Ўзбекистонда ўтказиши мумкин  13 08:55Here we go! “Реал“ яна бир футболчи билан келишувга эришди  33 08:26“Насаф“нинг яна бир етакчиси легионерга айланиши мумкин  6 07:57“Пахтакор“ ҳужумчиси иккинчи даврани “Динамо“да ўтказади  2

Бугун менинг туғилган куним! News

Бугун менинг туғилган куним!

Бугун ёш бўлишига қарамай, футбол жамоатчилигининг эътиборига тушиб улгурган футболчининг туғилган куни.

Бугун посбон 18 ёшни қарши олди.  

Жанлуижи "Милан" академияси тарбияланувчиси эканлигини жамоага бефарқ бўлмаганлар яхши билади. 2015 йилга келиб иқтидорли посбон асосий жамоа машғулотлари, кейинроқ эса бевосита ўйинларга чақирила бошлади. 


Доннаруманинг Италия чемпионатидавги дебюти 2015 йилнинг 25 октябрида "Сассуоло"га қарши учрашувга тўғри келди (2:1). 

Бир қарашда навбатдаги иқтидорнинг оддий дебюти, лекин ўша куни майдонга тушган ёш Жанлуижи тарихга кирди. Қандай дейсизми, қахрамонимиз Италия футболи тарихидаги энг ёш дарвозабон бўлди. Қизиғи, унгача рекорд биз яхшироқ биладиган ва яхши(роқ) кўрадиган Жижи Буффонга тегишли эди. 

Биринчи "қуруқ ўйин" ҳам ўзини узоқ куттирмади. Доннарумма кейинги турдаёқ, "Кьево"га қарши ўйинда бу ишни бажариб қўя қолди. Эслатиб ўтамиз, ўша баҳс миланликларнинг кичик 1:0 ҳисобидаги ғалабаси билан якунланганди. 

Ҳали катта жамоа таркибида, катта футболда тажрибасини айтарли даражада ошибириб улгурмай, "Лацио" билан учрашув! Балки, ёш итқидор руҳан "синмаслиги" учун захирада қолдирармиз? Йўқ, хавотирга тушманг, ҳаммаси жойида. Доннарумма асосий таркибда ва жамоа 3:1 ҳисобда зафар қучди. Тўғри, кипер гол ўтказиб юборди, лекин ўйинни кўрганлар яхши билишади, бир неча қийин вазиятларда, асосийси муҳим паллада Жанлуижи ўзини йўқотиб қўймади ва якунда кутилган ғалаба.


Бу мавсумда тажрибали ҳамкасбларига: "Сизларни ҳурмат қиламан, лекин мени даврим келди, бироз дам олиб туринглар" дегандек, ёш дарвозабон асосий таркибдаги жойини ҳеч кимга бермаяпти. Натижада, "Реал"дан келган Диего Лопес хафа бўлиб, "Эспаньол"га кетиб қолди. 

Италия Суперкубоги-2015/16 учун баҳсда жамоасининг "Ювентус"ни таслим этиб, жуда узоқ кутилган совринга эга чиқишида Доннарумманинг хизматларини алоҳида қайд этиш лозим. Асосий вақтда кучли ҳужуми бор "Ювентус"нинг жиғига теккан дарвозабон, пенальтилар сериясида Пауло Дибаланинг зарбасини қайтаришга муваффақ бўлди.  




Мамлакатнинг бир неча ёш тоифаларидаги терма жамоаларида ўйнаган Жанлуижи ўсмирлар ўртасидаги Европа Чемпионати-2015 (U-17) иштирокчиси ҳисобланади. Дарвозасини Доннарумма қўриқлаган италияликлар чоракфиналга қадар етиб боришди. 

2016 йилнинг августида футболчи миллий терма жамоага чақирув олди. Шу жойда у яна бир рекордни янгилаб қўйди. Яқин 105 йил ичида Доннарумма каби "ёш болалар" термага яқинлаштирилмаётганди. Термадаги дебют ҳам кимсан Францияга қарши ўйинда бўлди. Танаффусда у адаши ва шубҳасиз, болаликдаги кумири Жанлуижи Буффоннинг ўрнига майдонга тушди.  

Италия Суперкубоги қахрамонимизнинг катта футболдаги биринчи соврини, лекин оҳиргиси эмаслигига чин дилдан ишонгимиз келади. Ушбу посбонга омад ва зафарлар тилаш учун "Милан" мухлиси бўлиш шарт эмас менимча. 


Туғилган кунинг муборак Жанлуижи Доннарумма!


Омонжон Тўхтамирзаев

Rating: +26   

Comments

championat.asia
< show latest news
Яндекс.Метрика