Бугун "Локомотив"да катта футбол
01 apr 2016 11:35
News

Бугун "Локомотив"да катта футбол

Бугун "Локомотив" ўз майдонида олий лиганинг 3-тур учрашувини ўтказади. "Темирйўлчилар" ўз уйларида водийнинг энг номдор клубларидан бири "Нефтчи"ни қабул қилишади.

Хабарингиз бор, "Локомотив" жорий чемпионатнинг дастлабки икки учрашувини сафарда айнан водий клубларига қарши ўтказиб, аввалига "Навбаҳор"ни 3:2, ундан кейин "Андижон"ни 3:1 ҳисобида мағлуб этди. Мана энди жамоамиз "Нефтчи" билан куч синашади.

Бугунги ўйин "Локомотив" учун ўз майдонидаги очилиш учрашув ҳисоблангани боис ўйин олдидан бир қатор дастурлар ўрин олган. Хусусан ўйин бошланишидан олдин эстрадамиз хонандалари ҳамда таниқли қизиқчи Шукрулло Исроилов мухлислар хизматида бўлишади.

Биз "Локомотив"га бефарқ бўлмаган барча мухлисларнинг ТТЗдаги "Локомотив" стадионига чорлаб қоламиз. Эслатиб ўтамиз, олий лиганинг 3-туридан ўрин олган "Локомотив" - "Нефтчи" баҳси соат 16:00да старт олади.

Link :

Source : lokomotiv.uz

Receive latest football news directly on your phone. Subscribe for our Telegram channel!

Rating: +1