Бугун футбол. "Қўқон-1912" - "Қизилқум"

"Қўқон-1912" иккинчи босқич бошланганидан бери фақат битта ўйинда ғалабага эришди. Жамоа ўз майдонида "Нефтчи"ни 2:0 ҳисобида мағлуб этди. Шунингдек, жамоа бунгача кетма-кет учта ўйинда имкониятни бой берганди.

"Қизилқум" эса негадир сафарда ўзини кўрсата олмаяпти. Жамоа Жиззахда "Сўғдиёна" билан дуранг ўйнаганидан кейин "Насаф" ва "Нефтчи" майдонидан мағлуб бўлиб қайтди. Бугунги баҳсда эса имкониятларни тенг дейиш мумкин.

Қўқонда ўтказилган биринчи давра учрашувида навоийликлар 1:0 ҳисобида зафар қучишганди. "Қизилқум" бир ҳаракат қилса бугун ҳам ўзи учун ижобий натижани қайд этиши мумкин. Аммо иккинчи томондан "Қизилқум" бешта ўйиндан бери сафарда ғалаба қозона олмаяпти.