Бугун футбол. "Обод" - "Навбаҳор"

Наманганнинг "Навбаҳор" жамоаси Тошкентда "Обод" меҳмони бўлади.

Олий лига, 22-тур. 16 сентябрь
"ОБОД" - "НАВБАҲОР"

Турнир жадвалидаги ўрни: "Обод" 16-ўринда (12 очко), "Навбаҳор" 12-ўринда (21 очко).
Очколар орасидаги фарқ - 9 очко.

Таъриф: Олий лигада охирги ўринда бораётган "Обод" бугун ўз майдонида 11-учрашувини ўтказади. "Обод" аввалги 10та ўйиндан иккитасита ғалаба қозониб, уч марта дуранг ўйнаган ва бешта беллашувда имкониятни бой берган. Тўплар нисбати 10-21. "Навбаҳор" эса бунгача сафарда 9та беллашувда майдонга тушиб, ҳаммасида мағлуб бўлган. Жамоа ҳатто дуранг ҳам ўйнай олмаган. "Навбаҳор"нинг сафар ўйинларидаги тўплар нисбати 7-22.

Факт: "Навбаҳор" иккинчи даврада ҳозирча икки бор ғалаба қозонди, "Обод" эса фақат битта ўйинда зафар қучди ва тўрт марта мағлубиятга учради. Умуман олганда, "Обод" қаторасига бешта ўйиндан бери ғалаба нималигини билмаяпти.

Эслатма: Наманган шаҳрида кечган биринчи давра учрашувида "Навбаҳор" 2:1 ҳисобида ғолиб бўлган. Акром Баҳриддинов ва Дилшод Жабборов томонидан киритилган голларга Павел Соломин жавоб қайтарган. Кеча бўлиб ўтган Ёшлар лигаси баҳсида меҳмонлар 3:0 ҳисобида зафар қучишди.