Бугун футбол. "Машъал" - "Локомотив"
02 nov 2020 10:30
News
![](https://championat.asia/upload/storage/601060_original.jpg)
![](/upload/storage/601060_220.jpg)
Бугун футбол. "Машъал" - "Локомотив"
Турнир жадвалида ҳар икки жамоа кетма-кет ўринларни эгаллаб турибди. "Локомотив" 27 очко билан 9-ўринда бораётган бўлса, 19 очко тўплаган "Машъал" 10-ўринда бормоқда.
Иккинчи давра бошланганидан бери "Машъал" фақат битта ўйинда ғалабага эришди. Муборакликлар сафарда "Сўғдиёна"ни мағлуб этиб қайтишди. Шундан сўнг жамоа барча ўйинларни бой берди. "Локомотив" эса иккинчи даврада 4 ғалаба ва уч дуранг қайд этди.
Бугун баҳс "Машъал" учун иккинчи давра ҳисобидан ўз майдонидаги 6-учрашув бўлади. Жамоа бунгача бешта ўйиннинг ҳаммасида имкониятни бой берган. "Газчилар" уйда "Бунёдкор" (1:2), "Сурхон" (0:1), АГМК (0:2), "Қўқон-1912" (1:2), "Пахтакор" (1:4) клубларига мағлуб бўлишди.
"Локо" иккинчи даврада ҳозирча 6та баҳсда майдонга тушди. Шундан иккитасида ғалаба қозонган "темирйўлчилар" уч бор дуранг ўйнаб битта ўйинда мағлуб бўлишди. "Локомотив" сафарда "Андижон" ва "Бухоро"дан устун келиб, "Металлург", "Қизилқум" ва "Сурхон" клублари билан дуранг қайд этди.
Тошкентда кечган биринчи давра ўйинида "Машъал" 1:0 ҳисобида ғалаба қозониб кетганди. Бугун "Локо" ўша мағлубият аламини олишга уриниб кўради.
Факт: "Локомотив" Муборакда бўлиб ўтган "Машъал"га қарши баҳсларнинг охирги бештасида фақат ғалаба қозонган.
2017. "Машъал" - "Локомотив" 0:1
2016. "Машъал" - "Локомотив" 0:4
2015. "Машъал" - "Локомотив" 1:3
2014. "Машъал" - "Локомотив" 0:2
2012. "Машъал" - "Локомотив" 1:2
Similar news
![AMP Logo](https://championat.asia/image/logo-amp.png)
Comments