Бугун футбол. "Динамо" - "Қизилқум"

18:00 - «Динамо» (Самарқанд) – «Қизилқум» (Навоий)
Ҳакамлар: В. Серазетдинов (Тошкент), М. Саидқосимов (Тошкент), А. Цапенко (Тошкент вил.), Н. Қосимов (Қарши)
Назоратчи: А. Клепиков (Тошкент).
ЎзПФЛ вакили: А. Иноятов.

Ўйиндан нима кутяпмиз? Жамоаларни тўрт очколик фарқ ажратиб турибди. Албатта, рақибига нисбатан иккита кўп ғалабага эришган "Динамо" тепароқда. Бугун Самарқандда қизиқарли ўйин бўлиб ўтиши кутилмоқда. Чунки иккала жамоага ҳам ғалаба ниҳоятда зарур. Қолаверса, иккала жамоа ҳам охирги турларда уч очколи бўла олмаяпти.

Факт: Бугун "Динамо" ўз майдонида олтинчи ўйинини ўтказади. Жамоа бунгача иккита баҳсда ғалаба қозонган. Икки бор дуранг ўйнаб, бир марта ютқазиб қўйган. Тўплар нисбати 9-5. "Динамо" уй учрашувларида 8 очкони қўлга киритган.

Факт: "Қизилқум" сафарда бор-йўғи бир марта ғалаба қозонган. Навоийликлар 1:0 ҳисобида "Бунёдкор"ни мағлуб этишган. Қолган ўйинларда жамоа икки бор дуранг ўйнаб, учта баҳсда мағлуб бўлган. Тўплар нисбати 3-7.

Биласизми? "Динамо" кетма-кет беш ўйиндан бери ғалаба қозона олмаяпти: уч дуранг, икки мағлубият. Жамоа охирги марта 6-турда "Бухоро"дан 3:1 ҳисобида устун келган.

Биласизми? "Қизилқум" ҳам ютмаслик бобида бўш келаётгани йўқ, жамоа қаторасига олтита ўйиндан бери юта олмаяпти. Қизиғи шундаки, "Қизилқум" охирги олтита ўйиндан бештасини дуранг билан якунлаган.