Latest news

01:30Уильямс "Атлетик" раҳбариятга "Барселона"га ўтмоқчи эканини айтди  0 01:15"Барселона" Фати билан шартномани узайтириб, уни ижарага беради  1 00:50"Арсенал", "Челси" ва "Бавария" Барколяни сотиб олиш учун кураш олиб бормоқда  0 00:30Григорий Колосовский: "Бугун "Арал"дан кўра иккита кўп хато қилдик"  1 00:17Неъматилло Қуттибоев: "Бугун ғалаба қозонмасак, "Локомотив" билан орадаги фарқ ортиб кетарди"  0 00:02Асрор Алиқулов: "Кубокка даъвогар жамоани мусобақадан чиқариб юбордик. "Нефтчи"нинг услубига тайёр эдик"  4 23:50Ўзбекистон аёллар терма жамоаси назорат ўйинида Фаластинни йирик ҳисобда мағлубиятга учратди  0 23:28Клублар ўртасидаги ЖЧ. "Бенфика" – "Бавария". Таркиблар аниқ!  1 23:11Зико: "Европа футболига ҳаддан ташқари юқори баҳо бериб юборилган"  10 23:10Виталий Левченко: "Битта учрашувга қараб фикр чиқариш нотўғри. Ҳеч нимани беркитмаяпмиз, исталган саволингизга жавоб бераман"  12 22:50Санчога Туркиядан харидор чиқди. Футболчига катта маош таклиф қилинмоқда  0 22:23Мбаппе касаллик туфайли 4-5 кг вазн йўқотди  2 21:50"Ньюкасл" Эланга учун 45 миллион фунт таклиф қилди, аммо  0 21:30Ўзбекистон Кубоги. "Нефтчи" ўз уйида "Машъал"га мағлуб бўлиб, мусобақа билан хайрлашди. "Сўғдиёна" "Қизилқум"ни қийинчиликсиз мағлубиятга учратди  77 21:05"Ал Қодисия" МЮ қизиқаётган ҳужумчига 15 млн евро таклиф қилди  0

Бугун финал. Жокович янги тарих ярата оладими ёхуд Медведев "Катта Дубулға"даги илк совринини қўлга киритадими? Финал учрашувига ПРЕВЬЮ News

Бугун финал. Жокович янги тарих ярата оладими ёхуд Медведев "Катта Дубулға"даги илк совринини қўлга киритадими? Финал учрашувига ПРЕВЬЮ

Бугун Нью-Йоркда US Open'нинг навбатдаги ғолиби аниқланади.

АҚШ Очиқ чемпионатининг финал учрашуви "Arthur Ashe Stadium" кортида Тошкент вақти билан 12 сентябрдан 13 сентябрга ўтар кечаси соат 01:00 да бошланади. 

Ҳал қилувчи босқичга аёллар ўртасидаги финалдан фарқли равишда жаҳоннинг биринчи ва иккинчи рақамли ракетка усталари сербиялик Новак Жокович ва россиялик Даниил Медведев етиб келди. 

Бугун Новак Жокович яна бир рекорни такрорлаши мумкин. Йўқ, бу Федерер ёки Надальга тегишли эмас. Бу 1969 йилда қайд этилган рекорд. Австралиялик Род Лейвер «Катта Дубулға» туркумидаги барча турнирлар: Australian Open, Rolan Garros, Wimbledon ва US Open'ни бир йилда қўлга киритган сўнгги теннисчи ҳисобланади. Жокович орадан 52 йил ўтиб ушбу рекордни такрорлаши мумкин. Бугунги чемпионлик нафақат Новак учун балки, теннис олами учун Очиқ эрадаги янги саҳифа бўлади. 


Ҳозирда 83 ёшда бўлган ўтмишнинг тирик афсонаси Род Лейвер бу ҳақида шундай деди: “Агар Новак «Катта Дубулға»даги 4 турнирни бирлаштира олса, мен уни қўлини сиқиб қўйишдан хурсанд бўлардим. У бизнинг сафимизга қўшилишидан жуда хурсанд бўламан. Менимча, Жокович бу ҳақида гапиришни хоҳламайди. Сабаби бу Новак учун қўшимча босим бўлади ва унга муаммо туғдириши мумкин”, - деди Лейвер. 

Жокович финал учрашуви ҳақида гапирар экан: «US Open'даги тўртинчи совриним сари кетмоқдаман. Бошқа нарса ҳақида ўйлаётганим йўқ. Финалда ғалаба қозонсам нима бўлишини тушуниб турибман. Шунинг учун ҳам ушбу баҳсга фаолиятимдаги энг охиргиси каби ёндошаман»,-дея таъкидлаб ўтди.

Россиялик 25 ёшли теннисчи учун US Open финали фаолиятидаги биринчиси эмас. У 2-маротаба US Open финалига чиқди. 2019 йилда Даниил испаниялик Рафаэль Надальга қарши финалда кортга чиққан ва 4 соату 50 дақиқа давом этган муросасиз учрашувда 5 сет натижасига кўра аламли тарзда 5/7, 3/6, 7/5, 6/4, 4/6 ҳисобида имкониятни бой бериб қўйган эди. Бугун у ана шу финал учун ҳам чемпионликни қўлга киритишга ҳаракат қилади. Зеро, US Open финалига чиқиш у учун ҳам осон кечмади. 

"Тактика жиҳатидан Australian Open финали менга кўп нарсани ўргатди. Чунки ўшанда Новак аввалги ўйинларидан бошқача ўйнаган ва мен бунга тайёр эмас эдим. Энди эса мен тайёрман. Ҳисоб қандай бўлишидан қатий назар мен охиригача курашаман ва Мелбурндагига қараганда бор кучимни бераман. Агар уни мағлуб этсам, «Катта Дубулга»даги 4-турнирни юта олмаслигига тўсқинлик қилган инсон сифатида тарихда қоламан. Бу нарса менга таъсир қилмайди, аксинча, бу ҳолат унга босим юклайди”,-деди Медведев бўлажак финал учрашуви ҳақида фикр билдирар экан.


Финал баҳси Новак Жокович ва Даниил Медведев ўртасидаги ўзаро тўққизинчи тўқнашув бўлади. Ғалабалар сони бўйича Новак 5:3 ҳисобида олдинда бормоқда. Медведев охирги 5 учрашувнинг учтасида ғалаба қозонган, аммо «Катта Дубулға» туркумидаги турнирларда сербиялик рақибини мағлуб эта олмаган. Жокович эса 2021 йилги Australian Open турнирининг финалида Даниилни мағлуб этишга муваффақ бўлган эди. 

Россиялик жаҳоннинг иккинчи ракеткаси устидан қозонилган ғалаба Жокович учун «Улкан Тож» туркумига кирувчи турнирлардаги 21-чемпионликни келтиради. Бу нимани англатади? Албатта яна бир рекордни. Аввалига Жокович Надаль ва Федерерга тенглашиб олди, энди эса улардан бу борада ўтиб кетиши мумкин.

Бугунги учрашув учун мухлис ва мутахассислар ўз тахминларини билдирмоқда ва кўпчилик Новак Жоковичнинг имкониятини юқори баҳоламоқда. Мен ҳам Жоковичнинг фаолиятини доимий кузатувчиси сифатида унинг ғалаба қозонишига шубҳа қилмаяпман. Бугун Жокович чемпионлик учун борини беради. У теннис оламидаги барча рекордларни янгилашни яхши кўради ва доимо шунга интилади. Яна бир тарих саҳифаларидан ўчмайдиган натижа учун эса бир қадам қолди. Албатта, Даниил Медведев ҳам чемпионлик учун ҳаракат қилади. Агарда у чемпионликка эга чиқса фаолиятидаги илк «Катта Дубулға» унвонини қўлга киритади. Бир неча соатлардан сўнг теннис ихлосмандлари кутган мавсумнинг сўнгги «Катта Дубулға» турнирининг финал учашуви бошланади. Бизнинг вақтга тун ярмига тўғри келсада, барчангизни янги тарих веқелигини гувоҳи бўлишга чорлаб қоламиз. Новак Жоковҳичнинг «Улкан Тож»даги 2-чемпионлиги ёки рекордларга тўсқинлик қилиб қоладиган Даниил Медведевнинг «Катта Дубулға» даги илк тарихий соврини? Барчасини ўзингиз кузатинг.

Хуршида Абдикулова тайёрлади

Rating: +1   

Comments

championat.asia
< show latest news
Яндекс.Метрика