Бугун Аҳмедов жамоаси Греция чемпионига қарши ўйнайди
12 jul 2014 12:29
News

Бугун Аҳмедов жамоаси Греция чемпионига қарши ўйнайди

Австрияда янги мавсумга тайёргарлик кўраётган Россиянинг “Краснодар” клуби бугун йиғиндан ўрин олган учинчи, шу билан бирга сўнгги ўртоқлик учрашувини ўтказади.

Одил Аҳмедов жамоадошлари Грециянинг “Олимпиакос” клубига қарши майдонга тушишади. Ушбу ўйин Тошкент вақти билан соат 20.00да бошланади.

Австрияда йиғин ўтказаётган “Краснодар” клуби Грециянинг “Олимпиакос” жамоасига қарши ўтказиладиган бугунги ўйин олдидан икки таркибга бўлинган ҳолда ўзаро назорат учрашуви ташкил этди.

“Қизил” ва “кўклар” ўртасида бўлиб ўтган ўйинда ҳар бир жамоа таркибида 10 нафар футболчи ҳаракат қилди. Учрашувнинг ўзи 15 дақиқадан икки бўлим давом этди. “Қизиллар” сафида Сергей Петров, Ари ва Рикардо Лаборде гол муаллифи бўлишди.

Эслатиб ўтамиз, “Краснодар” Австрия йиғинида дастлаб Озарбайжоннинг “Карабах” (Агдам) клубини Одил Аҳмедовнинг ягона голи эвазига мағлуб этган бўлса, иккинчи баҳсда 45 карра Шотландия чемпиони “Селтик”ка 1:3 ҳисобида имкониятни бой берган эди. Глазголикларга қарши кечган ўйинда ҳам ягона голни Аҳмедов киритганди. Ўйлаймизки, бугун ҳам анъана давом этади.

Link :

Source : olamsport.com

Receive latest football news directly on your phone. Subscribe for our Telegram channel!

Rating: