Latest news

07:34Суперлига. Бугун "Динамо" "Нефтчи" учрашуви бўлиб ўтади  0 02:00Клублар ўртасидаги ЖЧ. "Реал Мадрид" "Ювентус" минимал ҳисобда енгиб, чорак финалга йўл олди  43 00:50"Арсенал" Гёкереш билан деярли келишиб олди  0 00:25Премьер лигага қайтган "Сандерленд" ўз тарихидаги рекорд трансферни амалга оширди  0 23:50Александр Ляказетт Саудия Арабистони юқори дивизиони дебютанти таркибига бориб қўшилди  1 22:45"Вест Ҳем" молиявий фейр-плей сабаб Кудусни "Тоттенхэм"га арзонроққа сотиши мумкин  0 21:55"Фенербахче" Шкринярнинг тўлиқ трансфери устида ишламоқда  0 21:29Карвахаль ўзига рақобатчи бўлган Трентнинг "Реал"га келгани ҳақида гапирди  6 21:09Давиде Анчелотти "Реал"даги энг ёмон ҳолат ҳақида гапирди  0 20:45Клублар ўртасидаги ЖЧда яна бир Беллингем порламоқда. У "Боруссия" учун инглиз топ клублари таклифларини рад этган  2 20:19Расман: Кепа "Арсенал"га ўтди  0 19:49"Арсенал" қанотни кучайтирмоқчи, лекин Мартинелли қолади  0 19:22"Футбол олами". Қаршида "триллер" рўй берди, "Навбаҳор"дан 6:0, "Бунёдкор"да суперкамбэк  1 19:06"Монако" "Барселона" ҳужумчисини ижарага олди  3 18:38"Арсенал" "Челси" вингери учун таклиф юборди  3

Бугун 4 карра Ўзбекистоннинг энг яхши ҳаками Ноил Лутфуллин 58 ёшга тўлди News

Бугун 4 карра Ўзбекистоннинг энг яхши ҳаками Ноил Лутфуллин 58 ёшга тўлди

Таваллуд айёмини нишонлаётган ўзбек футболи намояндаларини унутилмас кунлари билан қутлашда давом этамиз.

Бугун собиқ ФИФА рефериси, Ўзбекистоннинг 4 карра энг яхши ҳаками, 9 йил давомида Ўзбекистон футбол ассоциацияси Ҳакамлар департаментига раҳбарлик қилган Ноил Лутфуллин ўз оиласи, яқинлари даврасида қутлуғ 58 ёшини қарши олмоқда.

Ноил Лутфуллин - 1961 йилнинг 13 июнь куни Бухорода дунёга келган. Саккиз ёшида тўп тепишни бошлаган. “Строитель”, “Бухоро”, “Текстильшик”, “Ёш куч” каби жамоалар шарафини ҳимоя қилган. 1987 йилда у Бухоро давлат педагогика институтидаги тахсилни тамомлаган. Бухоро халқ таълими бошқармасига қарашли болалар спорт мактабларида методист, яъни йўриқчи бўлиб ишлади. Шу билан параллел равишда ўйинларда ҳакамлик қилиб, тажрибасини ошириб борган.

Ўзбекистон чемпионатида жами 260 та учрашувда бош ҳакам вазифасини бажарган. Фаолиятида 4 маротаба Ўзбекистоннинг энг яхши ҳаками деб топилган. 1994 йилдан ФИФА рефериси сифатида Осиё Чемпионлар кубоги, Кубок эгалари кубоги, Олимпиада ва Осиё ўйинларининг саралаш баҳслари, Германия яшил майдонларида ўтган ЖЧ-2006 саралаш учрашувларида бош ҳакам сифатида ишлаган. 1996, 2000 ва 2006 йилларда Москвада ўтказилган МДҲ мамлакатлари кубоги ўйинларида ҳакамлик қилган. 2008 йилдан Ўзбекистон чемпионати учрашувларида назоратчи вазифасини бажарган. 2009-2017 йиллар оралиғида Ўзбекистон футбол федерацияси (ўша пайтлар федерация деб юритилган, ҳозир ассоциация) Ҳакамлар департаменти бошлиғи бўлган. Яна бир тажрибали собиқ ҳакамимиз Бобур Ҳайдаров Ноил Лутфуллинга ўринбосар сифатида ёрдам берган.

Ноил Лутфуллиндан кейин ЎФА Ҳакамлар департаменти тузукроқ бошқарувчига ёлчимади. Айниқса, шу кунларда бу ҳолат яққол кўзга ташланмоқда. Айни ишлайдиган пайтда тажрибали ҳакамларимиз ўзларининг севимли касбларидан йироқда юришибди.

Қизиқ ҳолатни қарангки, бугун матбуотда Ўзбекистон футбол ассоциациясига Осиёнинг беш карра энг яхши рефериси Равшан Эрматов вице-президент этиб тайинланиши ҳақида хабарлар урчиди. Айнан бугун Ноил Лутфуллин ва яна бир собиқ ҳакамимиз Марат Исмоилов ўз таваллуд айёмларини нишонлашяпти. Ким билади, балки улар яқин вақт ичида яна катта саҳнага қайтиб қолишар.

Фурсатдан фойдаланиб, Ноил Ришатовични бугунги таваллуд айёмлари билан сайтимиз ходимлари ва ўқувчилари номидан муборакбод этамиз.

Rating: +4   

Comments

championat.asia
< show latest news
Яндекс.Метрика