Бугун 17:30. Австралия U-23 - Ўзбекистон U-23 ёхуд Олимпиада йўлланмаси учун баҳс!

Любинко Друлович бошчилигидаги Ўзбекистон олимпия терма жамоаси Олимпиада йўлланмасини қўлга киритиш учун Австралия билан тўқнаш келади. Мазкур баҳс Тошкент вақти билан соат 17:30да бошланади. Учрашув Бангкок шаҳридаги "Ражамангала" стадионида бўлиб ўтади.

АВСТРАЛИЯ БОСИБ ЎТГАН ЙЎЛ

Австралия мусобақани Ироқ қарши ўйинда 1:1 ҳисобидаги дуранг билан. Сўнгра мезбон Таиланд мағлуб этилди - 2:1. Гуруҳдаги сўнгги учрашувда Баҳрайн билан дуранг ўйнади - 1:1. Чорак финалда Австралия Сурияни қўшимча таймларда мағлуб этиб ярим финалга чиқди - 1:0. Ярим финалда Жанубий Кореяга 0:2 ҳисобида имконият бой берилди.

Австралияни олдин ҳам ютганмиз        

ЎЙИНОЛДИ МАТБУОТ АНЖУМАНИ

“Жуда муҳим учрашув эканлигини билиб турибмиз. Бу осон ўйин бўлмайди. Австралия анча жиддий рақиб. Рақиб жамоа таркибида бир қатор тажрибали ва маҳоратли ўйинчилар бор. Рақиб тактикаларини кузатиб чиқдик. Эртага бор максимумизни ишга соламиз. Зеро, бўлажак баҳс ўзбек мухлислари ва халқи учун муҳимлигини тушуниб турибмиз. Умид қиламизки, Олимпия ўйинларига йўлланма олишни уддалаймиз”, – деди кеча Любинко Друлович. 

Биз олдиндаги ўйинни интиқиб кутяпмиз. Мусобақанинг ушбу босқичида кучсиз жамоа қолмаган. Ўзбекистон – жуда кучли рақиб. Биз яна биттагина ўйинни яхши даражада ўтказишимиз керак. Шунинг ўзи ҳам Олимпиада чиқиш учун етарли бўлади. Биз ўйинга 2 хил услубда тайёрландик. Тўп бизда бўлган ҳолатлар учун ва яна тўпсиз вазиятларда қандай ҳаракатланиш бўйича ҳозирлик кўрдик. Ўзбекистоннинг кучли томонларини ёпиб, кучсиз жиҳатларидан унумли фойдаланишга уринамиз. Мен шу ёшдаги йигитлар билан ҳам ишлашга розилик бердим. Сабаби уларни миллий терма жамоага тайёрлаб бормоқчиман. Биз – мураббийлар штаби йигитларнинг Олимпиадада ҳам қатнашишини истаяпмиз. Зеро ушбу мусобақа – муҳимлиги жиҳатидан Жаҳон чемпионати даражасида, менимча, - деди кеча Австралия бош мураббийи Грэм Арнольд.

U-23 Осиё чемпионати. Ўзбекистон ва Австралиянинг статистикаси қандай?         

ҲАКАМЛАР

Австралия ва Ўзбекистон ўртасидаги учрашувни БААлик Муҳаммад Абдулла Ҳассан Муҳаммад бошчилигидаги ҳакамлар бригадаси бошқариб боришади. Маълумот учун, Ҳассан Муҳаммад 1978 йилда туғилган ва 2010 йилдан буён ФИФА ҳаками сифатида ишлаб келмоқда.


U-23 Осиё чемпионати
Учинчи ўрин учун баҳс
Австралия - Ўзбекистон
25 январь 2020 йил. Бангкок. "Ражамангала" стадиони. 17:30 (Тошкенти вақти)
Бош ҳакам: Муҳаммад Абдулла Ҳассан Муҳаммад (БАА)
Қанот ҳакамлари: Муҳаммад Аҳмад Абдулла Ал Ҳаммади ва Ҳасан Муҳаммад Ҳасан Абдулла Ал Маҳри (иккиси БАА)
Тўртинчи ҳакам: Сивакорн Пу Удом (Таиланд)
VAR ҳаками: Абдулраҳмон Иброҳим Ал Жассим (Қатар)
VAR ёрдамчи ҳакамлари: Умар Муҳаммад Аҳмад Ҳассан Ал Али (БАА) ва Ҳамис Муҳаммад Ал Марри (БАА)

Australia U23

AFC U23 Championship Final Stage . Round bronze 25/01/2020, 17:30 0 : 1 Finished

Uzbekistan U23

45'

90'

Open in Match Center