Бугун 17:00. "Бунёдкор" - "Насаф"
17 oct 2015 08:49
News

Бугун 17:00. "Бунёдкор" - "Насаф"

Бугун 2015 йилги Ўзбекистон кубоги финал учрашуви бўлиб ўтади.

Жиззахдаги янги "Сўғдиёна" стадионида "Бунёдкор" ва "Насаф" жамоалари мамлакат кубоги учун майдонга тушишади. Ўйинда ғолиб бўлган жамоа кубокни қўлга киритишдан ташқари кейинги йил Осиё чемпионлар лигаси гуруҳ босқичидан ўзига жой банд қилиб қўяди. Шу боис ҳам учрашувга бўлган эътибор жуда юқори.

Кеча ҳам "Насаф", ҳам "Бунёдкор" клуби футболчилари ўйинолди машғулотларини ўтказишди. "Бунёдкор" мураббийи ва "Насаф" мураббийи ўйинолди матбуот анжуманида қатнашишди.

Бугунги ўйин соат 17:00да бошланади. Учрашувни СПОРТ телеканали жонли равишда эфирга узатади. Сайтимиз орқали ўйин атрофидаги воқеалар ва ўйиннинг ўзи тезкорлик билан ёритиб борилади.