Буффоннинг агенти: "Бутун дунё Жанлуижини ўзига чорламоқда"
08 jun 2019 12:03
News

Буффоннинг агенти: "Бутун дунё Жанлуижини ўзига чорламоқда"

Жанлуижи Буффоннинг агенти Сильвано Мартина ўйинчи ҳали фаолиятини қаерда давом эттириши борасида қарор қабул қилмаганини айтиб ўтди.

- Буффоннинг келажаги? Ҳозирги вақтга келиб биз ҳеч нарсани ҳал қилганимиз йўқ. У шунчаки оиласи билан вақт ўтказишдан завқланмоқда. Сизга нима ҳам дея олардим, фақатгина уни бутун дунё ўзига чорлаётганлигини айта оламан, - дейди агент.

Буффон профессионал футболчилик фаолиятини 1995 йилда "Парма" жамоасида бошлаган. 2001 йилда эса у туринликлар сафига кўчиб ўтган ва клубда ёрқин из қолдира олган. Ўтган йили эса ПСЖ таркибига ўтди. Аммо, сал олдинроқ италиялик посбон парижликлар сафидан кетишини эълон қилди.

Футболчи жорий мавсум ПСЖ сафида 26та ўйин ўтказган.