Бу қизиқ: Дарвозабонлар мураббийи "Қизилқум" таркибида майдонга тушди
28 aug 2014 15:25
News

Бу қизиқ: Дарвозабонлар мураббийи "Қизилқум" таркибида майдонга тушди

Бундан бир неча йил аввал футболчилик фаолиятига якун ясаган, айни пайтда "Қизилқум" жамоасида ишлаётган Бахтимурод Хайритдинов яна катта футболга қайтди.

Бахтимурод Хайритдинов сўнгги беш йил "Қизилқум" жамоасида дарвозабонлар мураббийи сифатида фаолият олиб бораётган эди. Ҳозир ҳам ўз вазифасидан озод этилмаган ҳолда иккинчи давра олдидан жамоаси томонидан ПФЛ рўйхатига олинди.

"Пахтакор" билан бўлиб ўтган ўйинда Артём Макосинга захира посбони сифатида ўриндиқдан жой олган Хайритдинов, куни кеча "Машъал" ёшларига қарши кечган учрашувда асосий таркибда майдонга тушди. Ушбу баҳсда нафақадаги посбон учта гол ўтказиб юборди. У бундан хафа бўлмаса ҳам бўлаверади, боиси унга кимсан Марадона иккита гол урди, ҳа айнан Марадона. "Машъал" академияси тарбияланувчиси Марадона Сафаров икки маротаба гол уришга муваффақ бўлди.

Link :

Source : championat.asia

Receive latest football news directly on your phone. Subscribe for our Telegram channel!

Rating: