Британия нашри “Ростов” кипери ҳақида: “Ҳатто Рой Кин ҳам уни танқид қила олмади”

Daily Mail нашри “Ростов”нинг 17 ёшли посбони Денис Попов ҳақида мақола чоп этди.

Попов “Сочи”га қарши баҳсда 15та сейв кўрсатиб, мусобақа рекордини ўрнатди. Шунингдек, у Антон Заболотнийнинг пенальтидан йўллаган зарбасини ҳам қайтарган.

“Россия Премьер-лигаси жамоаси 10та гол ўтказиб юборди, аммо ҳатто Рой Кин (танқидларни хуш кўрувчи маъносида) ҳам бу дарвозабонни айблай олмади. “Ростов” ёш болаларни майдонга олиб чиқишга мажбур бўлганида, 17 ёшли ўйинчи дарвозани қутқариш бўйича рекорд қўйди”, дея ёзган нашр.