Breaking news: Эркин Бойдуллаев "Насаф"дан кетди

Унинг нима сабабдан кетгани билиш мақсадида Бойдуллаев билан боғланганимизда у шундай деди:
"Бўлди, етар, кетаман! "Насаф" мухлисларидан узр сўрайман! Аммо бошқа бу жамоада қолишга тоқатим қолмаган. Бу ерда молиявий тарафлар ёки жамоанинг муваффақиятсиз ўйинларининг даҳли йўқ", - дейди Эркин Бойдуллаев.

Жамоадан кетишига нима сабаб бўлгани ҳозирча номаълум. "Насаф"нинг бир қатор етакчи футболчилари жамоани тарк этишлари мумкин.
"Насаф"да ўзгаришлар пайти келганга ўхшайди.

Тез орада футболчи интервью беришига ва нима сабабдан кетишга қарор қилганини тушунтиришини айтиб ўтди.

Эркин Бойдуллаевда кичик жароҳат борлиги сабаб футболчи "Андижон"га қарши Ўзбекистон кубоги доирасидаги ўйинни ўтказмасдан клуб қароргоҳини тарк этган.
"Менда жароҳат мавжуд. Шу боисдан ҳам "Андижон" билан ўйинни кутиб тура олмадим", - дейди Бойдуллаев.

Эслатиб ўтамиз, Эркин Бойдуллаев "Насаф"га 2010 йилнинг декабрь ойида келиб қўшилганди.
Анатолий Демьяненко мураббий даврида келган Бойдуллаев "Насаф"да 6 йил ўйнади ва ОФК кубоги, Ўзбекистон кубоги, Ўзбекистон чемпионатининг кумуш медали, бир неча бор бронза медалларини қўлга киритди.