Бразилия Президенти: Мамлакат ЖЧ-2014ни ўтказишга тайёр
11 jun 2014 08:43
News

Бразилия Президенти: Мамлакат ЖЧ-2014ни ўтказишга тайёр

Бразилия Президенти Дилма Русеф ЖЧ-2014ни ўтказишга тайёр эканлигини маълум қилди.

Мундиалнинг финал босқичи эртага старт олиб, 13 июль куни якунига етади. “Бразилия жаҳон чемпионатини юқори савияда ўтказишга тайёр. Мамлакатимизга келаётган мухлисларга ҳам барча шароитлар яратиб берилди ва ишончим комилки, улар Бразилиядан яхши таассуротлар билан уйларига қайтишади”, — дейди Русеф.

Таъкидлаш жоиз, айрим ФИФА мулозимлари ва баъзи журналистлар Бразилия ЖЧ-2014 тайёргарлигига улгурмади, деган фикрларни илгари суришяпти. Айрим стадионлар атрофида ҳамон қурилиш ишлари давом этмоқда. Маҳаллий аҳоли эса жаҳон чемпионати ўтказилишига қарши намойиш ўтказяпти.

Айнан мана шу сабаб туфайли Бразилия Президенти эртага Бразилия - Хорватия терма жамоалари ўртасида ўтказиладиган очилиш учрашувини бевосита стадиондан кузатмайди. Маълумотларга кўра, мамлакат аҳолиси Президент олиб бораётган ислоҳотлардан норози. Дилма Русефнинг ўрнига спорт вазири Алдо Ребело очилиш ўйинига ташриф буюради.

FIFA.UZ да ЖЧ-2014 учун орзулар жамоасини тузинг

Link :

Source : olamsport.com

Receive latest football news directly on your phone. Subscribe for our Telegram channel!

Rating: