“Ботафого” Хондани минглаб мухлислар қаршисида таништирди

Жамоанинг уй стадиони – “Олимпико Нилтон Сантос-Энженьян” стадионида кечган маросимда бир неча минглаб мухлислар севимли клубларининг янги футболчисини кўришга ошиқишди.

Хонда ушбу жамоа сафига эркин агент сифатида келиб қўшилди. Япониялик хавбек илгари “Витес”, “Мельбурн Виктори”, “Пачуку”, “Милан”, ЦСКА, “ВВВ-Венло” ва “Нагоя Грампус” клубилари шарафини ҳимоя қилган. Фаолияти давомида у 459 та расмий ўйинда майдонга тушиб, 99 та гол урган ва 80 та голли узатмани амалга оширган.

“Ботафого” 2019 йилги мавсумни Бразилия чемпионатида 15-ўринда якунлаган. Рио-де-Жанейро шаҳри шарафини ҳимоя қилувчи жамоа 38 учрашувдан 43 очко тўплай олган, холос.