Босния ва Герцеговина август ойида Ўзбекистон билан ўйнамоқчи

Европа томони ЎФФга таклиф билан чиққан. Фақат боснияликлар таклиф қилаётган сана ФИФА кунларига тўғри келмайди. Шу боис рақиб фақат Босния лигасида ўйнаётган маҳаллий футболчилар хизматидан фойдаланмоқчи.

Эслатиб ўтамиз, Босния ва Герцеговина терма жамоаси сентябрь ойида ЖЧ-2018 саралашидаги ўз иштирокини бошлайди.

Ўзбекистон ва Босния бунга қадар 2та ўйин ўтказган. 2001 йил Мердека кубоги финалида Ўзбекистон 2:1 ҳисобида зафар қучган. 2009 йилда Тошкентда бўлиб ўтган ўртоқлик учрашувида 0:0 ҳисоби қайд этилган.