Болалар футболи. “Пахтакор” тарбияланувчиларида бир ғалаба ва икки мағлубият
24 aug 2014 14:43
News

Болалар футболи. “Пахтакор” тарбияланувчиларида бир ғалаба ва икки мағлубият

Футбол бўйича болалар-ўсмирлар ўртасида Тошкент шаҳар чемпионатининг иккинчи даврасидан ўрин олган 17-тур баҳслари бўлиб ўтди. “Пахтакор” футбол мактабининг учта ёшдаги гуруҳи бугун “Бунёдкор” тарбияланувчиларига қарши майдонга тушди.

Дмитрий Ан бошқараётган “Пахтакор-2003” 0:1 ҳисобида имкониятни бой берган бўлса, “Пахтакор-2001” 2:0 ҳисобида зафар қучди. Бу гуруҳни айни пайтда Станислав Кудряшов бошқармоқда. Яна бир ўйин “Пахтакор-2000” ва “Бунёдкор-2000” ўртасида ўтказилди ва бунда Темур Олимхўжаев шогирдлари 0:2 ҳисобида мағлуб бўлишди.

“Пахтакор-2002” Баҳодир Иброҳимов хотирасига бағишланган турнирда иштирок этаётгани боис мазкур гуруҳ ўйинлари бироз кечроқ муддатга қолдирилган. Рустам Қурбонбоев бошқараётган “Пахтакор-1999”нинг ўйинлари ҳам бошқа кунга қолдирилди, чунки улар кеча Қозоғистондаги турнирдан қайтиб келишди.

Шунингдек, Анвар Ҳафизов бошқарувидаги “Пахтакор-1998” иштирокидаги баҳслар ўсмирлар терма жамоамизнинг Осиё чемпионатига бориб келганидан кейин бўлиб ўтади. Чунки Ўзбекистон U-16 ўсмирлар терма жамоасига “Пахтакор-98”дан 8 нафар футболчи жалб этилган. “Пахтакор” тарбияланувчилари навбатдаги тур беллашувларини 26 август куни ўтказишади. Шу куни “Спартак”ка қарши ўйинлар бўлиб ўтади.

Болалар-ўсмирлар ўртасида Тошкент шаҳар чемпионати.

17-тур, 24 август
“Бунёдкор-2003” - “Пахтакор-2003” - 1:0
“Бунёдкор-2001” - “Пахтакор-2001” - 0:2
“Бунёдкор-2000” - “Пахтакор-2000” - 2:0

Link :

Source : championat.asia

Receive latest football news directly on your phone. Subscribe for our Telegram channel!

Rating: